♥Tum nahi ho to aisa lagta hai ♥

Tum nahi ho to aisa lagta hai 
jaisay weeran ho rahghuzar-e-hayat

jaisay khawaboon ke rang pheekhay hoon
jaisay lafzoon se mout rasti ho
jaisay sansoon ke taar bhikhray hoon

Tum nahi ho to aisa lagta hai

jaisay khushboo nahi ho kaliyoon mein

jaisay soona para ho sheher-e-dil

jaisay kuch bhi nahi ho galiyoon mein

jaisay khushioon se dushmani ho jaye

jaisay jazboon se Ashnayi na ho

Tum nahi ho to aisa lagta hai

jaisay ik umer ki musafit par

baat kuch bhi samjh na ayi ho

jaisay chup chap hon arzoon ke shajar

jaisay ruk ruk ker sans chalti ho

jaisay benaam ho dua ka safar

jaisay qistoon main umer katti ho

Tum nahi ho to aisa lagta hai

jaisay ik khoof ke jazeeray main
koi awaz de ke chup jaye
jaisay hanstay hoye achanak hi
gham ki parwa se ankh bhar jaye

 

 Tum nahi ho to Aisa lagta hai…